மாமன்னனும் யுகபாரதியும்
மாரி செல்வராஜ் இயக்கத்தில் வடிவேலு நடிக்கிறார், ஏ ஆர் ரஹ்மான் இசையமைக்கிறார், உதயநிதியின் கடைசி படம் என படம் அறிவிப்பு வெளியானது முதல் சினிமா ரசிகர்கள் மத்தியில் பெரிய எதிர்பார்ப்பை சுமந்து கொண்டே வந்த திரைப்படம் தான் மாமன்னன். ராசாக்கண்ணு பாடல் மற்றும் இசை வெளியீட்டு விழாவில் தேவர் மகனை ஒப்பிட்டு பேசிய இயக்குனரின் பேச்சு ஆகியவை படம் வெளிவருவதற்கு முன்னரே சமூக வலைதளங்களில் பெரிய விவாதத்தைக் கிளப்பியது. படம் வெளியாகி வணிக ரீதியான பெரிய வெற்றியைப் பெற்றதோடு மட்டுமல்லாமல் , மாரி செல்வராஜின் வழக்கமான படங்களைப் போல தமிழ் சமூகத்தில் ஆரோக்கியமான விவாதத்தையும் மாமன்னன் உருவாக்கி இருந்ததை நாம் அறிவோம். இதற்கிடையே படத்தில் ஜாதி, அதிகார வெறி கொண்ட ஒரு சைக்கோவாக காட்டப்பட்ட ரத்தினவேலு (பஹத் பாசில்) இடம்பெறும் காட்சிகளை தங்களின் வீர சாகசங்கள் போல சமூக வலைத்தளங்களில் ட்ரெண்ட் செய்து தங்கள் சாதி அரிப்பை தீர்த்துக் கொண்டனர் ஜாதி வெறியர்கள். சமீபத்தில் ஒரு அமைச்சர் தனது வீட்டில் பட்டியல் வகுப்பு MLA வை நிற்க வைத்து உரையாடியது போன்ற புகைப்படம் வெளியான போது, சமூக வ...